Искачувањето на врвот Љуботен по повод 13ти Ноември претставува традиционална акција во чест на празнувањето на Денот на град Скопје. Како и секоја година така и оваа традиционалното искачување на врвот Љуботен на Шар Планина се одржа на 12 Ноември 2017 год.
Акцијата долга скоро 20 км во двата правци со висинска разлика од 1.800 м секоја година добива се поголем одзив кај љубителите на планината. Патеката до врвот Љуботен (2.499 мнв) е со почетната точка во Старо Село (700мнв) оттаму до планинарскиот дом Љуботен (1.622 мнв) се пешачеше неполни два часа, а од Домот до врвот уште два часа. На акцијата учество земаа околу 350 планинари кои уживаа во магијата на Љуботен и во прекрасниот есенски ден.
Фотографии на Бојан Стојчевски.