На почетокот на декември, одиме да го искачиме врвот Бајрак на северниот дел на планинскиот масив Мокра на пределот помеѓу неговите планински огранки Караџица и Китка, во срцето на областа Торбешија , јужно до градот Скопје! Врв кој речиси сите сме го гледале од различни страни, од планинарскиот дом „Караџица“, од Убава и Салаковски Езера, од Китка и Преслап, од Празни Торба, но малкумина сме го искачиле и посетиле! „Да го развееме бајракот на слободата и Македонија, на Бајрак!“
Тура: ЦВЕТОВО - БАЈРАК - ДРАЧЕВИЦА
Патека на движење: село Цветово (830 м.) - чешма под гребенот Планинче (1010 м.) - месност и чешма Лениште (1106 м.) - Темна Бука (1267 м.) - Крст (1398 м.) - врв Бајрак (1527 м.) - гребен Слани Крст (1155 м.) - Преслап (786 м.) - чешма во месноста Врлева (650 м.) - рид Каменик (614 м.) - село Драчевица (488 м.)
Должина: 14 километри
Вкупно времетраење: 7 часа
Тежина: Лесна
Поаѓање од Скопје (01.12.2019): 07:00 h од паркингот на Пошта 2 (Железничка/Транспортен Центар).
Цена: 300 денари (200 денари превоз + 100 денари учество во предизвикот кои ќе се искористат за: изработување на значките и обезбедување на наградите за предизвикот „12 Врвови“, организирање голема 2 дневна забава на крајот на предизвикот, печатење маици, бележење и маркирање на планинарските патеки по кои ги искачуваме врвовите).
Пријавување (за целосно сигурно одење) најдоцна до петок 29.11.2019 во 17 часот, на Марио Шаревски - 071 216 066, 070 342 787 и 071 591 260. Пријавувањето е задолжително со име и презиме (доколку сте целосно сигурни дека доаѓате) и исклучиво преку телефон (!!!). Ве замолуваме, заради подобра и поголема ажурност при заведување во списокот, да се пријавувате со јавување на еден од трите телефонски броеви, а не преку пораки на Facebook, со цел водичите да имаат подобра евиденција и подобро насочено внимание на секој што ќе се јави и пријави за сигурно доаѓање!!!
УПАТСТВА:
- Тежината на турите е лесна и е препорачлива и за почетници
- Временските услови ќе ги проверуваме на следните линк од сајтовите за временска прогноза (https://www.meteoblue.com/en/weather/14-days/bajrak_north-macedonia_798604 и https://www.yr.no/place/Macedonia/Other/Cvetovo/long.html)
- задолжително носење на облека соодветна на доцни есенски и рани зимски услови: топла облека: јакна, блузон (polar) со долги ракави, капа, резервна маица, задолжително: јакна ветровка - шушкавец (доколку има најава за дожд кабаница - во ранец) добро разгазени планинарски чевли високи до глужд со 2 пара на чорапи (!!!) за заштита од триење и плускавци при долготрајното одење, планинарски стапчиња.
- Мобилните телефони да бидат со полни батерии (најмалку 95%)
- Храна од ранец за време на турите (сендвичи, суво овошје, чоколадо и житни плочки, најмалку 1,5 литри вода, магнезиум и електролити)