Продолжен викенд исполнет со планинарски активности на падините на Огражден. Планинарскиот клуб Трансверзалец со свои членови зема учество во Државното првенство во Планинарска Ориентација (трето и четврто коло) кој се одржа 14 и 15 Јуни 2019 год. организирано од ПК Ентузијаст од Струмица во соработка со ФПСМ. Натпреварите во дневна и ноќна ориентација се одржаа во с. Попчево Брана Водоча и месноста Суви Лаки, Огражден. Натпреварите се воедно и квалификации за Балканскиот шампионат кој ќе се одржи во Р.Босна и Херцеговина на 11 -13. Октомври 2019 г. Во категорија Сениори Трансверзалец се пласираше на третото место додека во категорија на Ветерани на прво место. На 16 Јуни 2019 Трансверзалец го искачи и врвот Огражден на истоимената планина висок 1.746 мнв во рамки на традиционалниот пролетен марш Огражден 2019 организиран од ПК Ентузијаст Струмица. Фотографии на Петре Милошевски, Јоже Карловски и Билјана Спирева.