На 05.07.2020 ги искачивме високогорските, волшебно прекрасни налик „алпски“ предели на планината Кораб, врвот Боази висок 2515 метри, кој се наоѓа на главниот срт на протегање на Кораб, недалеку од Мал Кораб и над долината на Длабока Река каде е сместен и Корабскиот водопад, и воедно претставува 11 претпоследен врв во овогдишната програма на четвртата сезона на планинарскиот предизвик „12 Врвови“. Прекрасните глетки на високите корабски врвови, долини го опфатија и прекрасното Изгревно Езеро. Акцијата се изведе со почитување на мерките согласно прописите. Маршрута на акцијата: Рибница - Тануше - Изгревно Езеро - Боази - Длабока Река - околу 30 км и времетраење: 10 - 12 часа Фотографии на Кирчо Топуков.