Титов Врв уште познат како Голем Турчин или Шар е највисокиот врв на Шар Планина и втор највисок врв во Македонија со височина од 2.747 метри.
Зимското искачување на Титов Врв се организира секоја година традиционално од страна на ДПС Трансверзалец, станува збор за една од најатрактивните зимски патеки во земјата. Маршрутата на искачување започнува од планинарскиот дом Смрека и продолжува кон Церипашина (2.531м.), преку врвот Антени/Син врв (2.600 м.) и Бакардан (2.704 м.) се до Титов Врв (2.747м.) во вкупна должина од 11.7 км во еден правец. Оваа година искачувањето се одвиваше во отежнати зимски временски услови. Фотографии на Зоран Костадинов.